Mina hartzeko ere
Mina hartzeko ere
2022, poesia
88 orrialde
978-84-17051-84-6
Juan Luis Zabala
1963, Azkoitia
 
2023, narrazioa
2017, narrazioak
2006, narrazioak
2000, nobela
1996, nobela
1994, ipuinak
 

 

LAZTAN-KOLPEKA

 

 

Ez du berezko logikarik laztanak.

Ez du zuzenean ezer eraikitzen,

ezta konpontzen edo sendatzen ere.

 

Leundutako kolpea da laztana,

laztandua bakean ez uzteko erasoa.

Gerran sartzen du laztantzaileak laztandua.

 

Leundutako herra da maitasuna,

maitatua bakean ez uzteko erasoa.

Gerran sartzen du maitaleak maitea.

 

Leundutako zauria da bizitza,

jaiotakoa bakean ez uzteko erasoa.

Gerran sartzen du gurasoak haurra.