SUA ZEGOEN

Zuekin egon naiz ametsetan

inon ez den denbora batean

sua zegoen, eraikin eraitsiak,

hautsa eta umeak ohatiletan

saiatu naiz baina ez dut

aurpegirik oroitu

lokartu aurretik ikusitako

gorputz odolduak baino ez

egunak daramatzagu begira

banderei eta izarrei

begiratzen zaien modu horretan

esna iraun dut tarte batez

laguna biluzik ondoan

haren arnasa baino ez da

gelditzen orain gelan.