KOMANDOA

Espedizio sekretuak

antolatuko ditugu

oihan urrunetara joateko

Komandoa

planoak eta armak prest

eta ideiak argi

Esperantza

iraileko lehenbiziko euriek

nolabait biztuko dutela

agorrak antzuturiko mendia

Gauenaraz mozorroturik

arratsero abiatuko gara

amorerik eman gabe

etsiari iskin eginez

bilaka eta bilaka

(ez du inporta non den Itaka):

Amanita caesarea

oihaneko erregina

nola edo hala bahituko dugu

noizbait ere

Ez erran inori