EUSKADI, RENE LE HENAFF, 1936

1936a da eta

arropak eskegitzen dabil

emakume bat

euskal herria

filmatu nahi dute

eta iruditu zaio

zuzendariari

aski dela keinu hori

irudikatu nahi duena

irudikatzeko

zer misterio igarri du?

arreta beraz

filmatuko lukete

ballet dantzari bat

eta ziurrenik

hala behar du

ze une batez

trapu bat dantzaraziz

nabarmendu du

bere burua haizeak

eta hori da dena

1936a da

arropak eskegitzen dabil

emakume bat

eta akaso aski da horrekin