Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

EGARRIZ

 

 

Poltsa laukidunean pilatuta

inoiz jaso gabeko mimo gozoak.

Orrialdeetan itsatsita

inoiz jazo gabeko laztan amultsuak,

banpiro hozkadak, miazka urtsuak.

Hitz lizunak ezin askaturik

azkazalez urratzen ditut:

hitz lodi, etzan, borobil, fin, ñimiño...

Denak niri begitara so,

irakurriz xurgatzen ditut

mantso-mantso azpiak bustitzeraino.

Bihotza epel, larrua hotz, mimo egarriz.

Hotzikarak sortzen dituzten hitz beroak,

itsasaldeko bits gozoak, olatuen gisa

urak ekarri ahala urrundutakoak,

ezin aserik guztiz nire desira eta asmoak.