Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

ZIRIMIRI

 

 

Ezinari eta inpotentziari

eskuburdinez lotuta,

mendekuzko ur sakonetan

pixkanaka hondoratzen doan

aingura astuna da gurea.

 

Besterik bilakatzen ari gara

ustekabean eta ezinbestean,

irakiten genituen desirak

ezerezean lurrundu ahala.

 

Ur azalean kulunkan

geratu zaizkigu ametsak, maitea,

eta zirimiri triste batek

laztantzen ditu nostalgiaz.