Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

ZUEKIN - 2

 

 

Zuekin magia

su artifizialen gisan

lehertzen da zeruan.

Labanda usaineko

larreak ereiten ditugu

purpurina morezko euriz.

Laia gainean hegan,

buru idorrak iraultzen,

lur gogorrak biguntzen.

 

Zuekin magia

egitate bat da

egungo munduan.

Ostadar koloreko

zubiak margotzen ditugu

hatz puntekin.

Laia gainean hegan,

buru gogorrak biguntzen,

lur idorrak iraultzen.