Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

BILTZEN DITUT

 

Galdegin zenidan

batzen gaituen haizearen koloreaz,

zure fusiletan belauniko dauden

hostoen jatorriaz,

zu eroan aurretik elkarri emandako

besarkadaren orbainaz.

 

Horregatik biltzen dut orbeletan

elkar ikusi ez dugun udazken bakoitza.

Eta biltzen ditut euri koloreko haizeak

elkarri emandako besarkaden usainetan.

Joandako antzaren hegoak, hosto eroriak eta aberriak

biltzen ditut fusil isiletan,

noizbait erantzunak aurkituko ditudalakoan.