Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

UDAZKEN BERBAK

 

Ia inork ez ditu irakurtzen oin-oharrak.

Udazken berbak dira gure bakardadeak.

Urrun entzuten nauzu, nire ahotsak ez zaitu ukitzen.

Gutunen letra txikira behartu gaituzte.

 

Badakit nahiago dituzula letra borobil handiak,

haietan arinago antzematen dira-eta sekretuak;

baina letra txikira kondenatu gaituzte, isil-gordean.

 

Oin-orriotako bakardadean eraiki dugu

geure errepublika, arnasa geldoan.

Armiarma hari mehe batek ozta-ozta

zintzilik eusten die nire begiei, zuganako bidean*

 

                  *Egon lasai, maitea.

                    Joan dira afaltzera zelatariak.

                    Ez ditu kukuak berriz deituko

                    lerro hauek zure begietan lo hartu arte.