AURKA

Lurra ez bada jendearena

nola naiz nonbaiteko?

Eskaintzen zaidana baztertzen dudalako

nahi dut ukatua.

Ez dut nik asmatu

errealista izateko modu bakarra

ezinezkoa eskatzea dela.

Ez ote naiz

iraganera begiratuz garaikide?

Minuskulaz idazten dut oihu,

zalantzarekin erantzuten dizuet.

Onartzen nauzuenean mespretxatuko zaituztet.

Ez dut zuen aurka egiten

nire alde.

Nire aurka egiten dut

zuen aurka.