Eroriaren logika
Eroriaren logika
2009, poesia
104 orrialde
978-84-92468-11-9
azala: Iņaki Landa
Juanra Madariaga
1962, Bilbo
 
2003, poesia
1992, poesia
 

 

ZU ETA NI LURRIKARAREN AURREAN

 

Arrotz baten eztula

albumetatik eroritako argazkiak

oroimen baten digestioa

ur-putzuan jausi denaren zarata

hitz guztiak jan dituen intsektua

zure musuak gordetzen ditudan formola

gure bizitza jaten duen jainkoa

almendrak oskolean utzi duen zuloa

adjektibazio larregiko behakoa

adjektibaziorik onartzen ez duen mina

bizitzan galtzen diren kontuak

heriotzak darabiltzan estrategia sinpleak

zu eta ni lurrikararen aurrean

ausentzia guztien gotorlekua

lagun ahaztuaren imana

izango ez garena

hotzaren azpiegiturak

bihotzaren tibia eta peronea kraskaturik

denbora eta galgoak