Eroriaren logika
Eroriaren logika
2009, poesia
104 orrialde
978-84-92468-11-9
azala: Iņaki Landa
Juanra Madariaga
1962, Bilbo
 
2003, poesia
1992, poesia
 

 

BIHURTU GARENA

 

Hiriko argiek otsoen niniak ematen dute.

Hotzak urruntasuna dakar,

ez garena, izan gintezkeena eta

beldurrak bihurtu gintuena.

 

Laringea gorriago izaten da aro honetan,

grisago toraxa, beltzago listua.

Kristo ez zen neguan jaio eta

ez zen udaberrian hil.

 

Neguak eliza handi bat irudikatzen du.

Gizakiaren galbideko gurutzeak,

hor daude, eszeptizismoak higaturik,

haize laruarekin azantza konposatzen.

 

Arnas pasiboa izango dugu meditazioetan

eta ez dugu jakingo zer ginen,

zer garen, nora goazen zorabio honetan

neguari antizipatzen ez bagatzaizkio.