Eroriaren logika
Eroriaren logika
2009, poesia
104 orrialde
978-84-92468-11-9
azala: Iņaki Landa
Juanra Madariaga
1962, Bilbo
 
2003, poesia
1992, poesia
 

 

INSHA-ALLAH

 

Herri batek grabitatea galdu zuen.

Maldan gora abiatu ziren errekak,

zakur alderraiak harriek zanpaturik hil ziren.

 

Mendi itzelek dardara egin zuten

ezkerretik eskumara, umeen belaunek bezala,

grabitate ezak jotako ume deshidratatuak bezala.

 

Ez zuten ura orkatiletan sentituko.

Bihurgunez josi ziren bideak,

zuzentasuna oroimen publiko bilakatu zen.

 

Eta zein ederra zen lehen lur hura,

Zein ederra Pakistan, Nanga Parbat,

zein ederra Hushe eta Chilas.

 

Ondorengoen jabego pribatua basaz bete zen,

kartografiak transformatu, umeen ametsak deuseztatu,

Elurrak loreak ekarriko ahal ditu, Insha-allah!