BERTOLT BRECHT (I)

Josef Breitenbachen argazkian

Bertolt Brechten begiak

aurpegi estu bati josiak.

Baina honek ez dauka garrantzirik.

Max Ernst edo Aristide Maillol eskultorea ere

izan ziren bere negatiboetako aktore,

Brechti egindako argazkia da

beste guztien gainetik deigarriena.

Ile moztu berria du dramaturgoak,

ziega batetik irtenda bezala,

torturatuaren behako galduarekin.

Beroki zaharkitu marradunak

pobreziaz bernizatzen du irudia.

Beltzegia da potreta,

bigarren mundu gerra piztear zegoen.