URRINETIK

        lautada arrotz honetan

gauak hirian pizten dituen argi laranjen gisa

suzko ipurtargiak ikus ditzaket

haizeak dantzatzen dituen kandela argiak bailiran

        ilunabarrera erditzen

        ...urrinetik begiratuta

jende nanoaren sutondoak diruditen liliak

gauak bere patriketan isiotzen dituen pospoloak

infernu arrotzen tximinietatik

        lurrera erditzen

oinazeak erditzen diren desorduotan

urrinetik dakusat piztiaren itzala

        lautada arrotz honetan

aipatu nahi ez dudan hiri horretan

horren ezezaguna gertatzen zaidan

        gertuko mundu honetan