Tatuaia bat ene begietan
Tatuaia bat ene begietan
2008, poesia
88 orrialde
978-84-92468-03-4
azala: Rafal Olbinski
Txili Lauzirika
1975, Lekeitio
 
 

 

ZAUDE LASAI

 

zaude lasai

ezer ez da amaituko

 

munduak ez dio

bat-batean jiratzeari utziko

 

egunak ez dira

guregatik esnatuko

 

zaude lasai

ezer ez da betirako

 

ezta momentu xume

bakan eta ezdeus baterako

 

patriketan kabitzen den

zoriona ez da guretzako

 

zaude lasai

ezer ez da aldatuko

 

iretargi eta eguzkiak

ez dira guregatik larrituko

 

ez gaituzte faltan botako

ez zaituzte estrañatuko