Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

ITSASOEN JABETZA

 

kartazalen elurte zurietan

jausten dira hitzak

grinarik piztu gabe:

zer da postaririk gabeko helbidea

kale izena mendian

ibaiaren hondalean trabaturiko eztarria zer da

 

harrizko eskaileretan gora

iritsi naiz etxera

maila bakoitza hurrengoaren promesa da

beti dago hala ere sartzerik ez duzun

gelaren baten susmoa

bertakoak ez garela gogoratzen

 

zure irribarrearen krokisak

noraino eraman nazakeen

disimulatzen ikasi dut

hortik hasi naiz estrategia zoro hau erredaktatzen

hurrena itsasoen jabetza

aitor dakidan porrokatuko naiz

 

ordua galdetzeke bizi da jendea

etxerik gabe hitz gozorik gabe

minari lorontzia non paraturik ez...

ausazko hariak lotzea maite dut:

nire eskuetako marrek

nonahi dituzte josi-askatuak