Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

EZ NABILELA

 

Erakutsidazu ez nabilela alferrik,

bideetako seinaleek zerbait adierazten didatela,

gaumin haren musuen hiztegiak oraino balio duela,

zure ezpainetako mailukiek

ez dutela zerikusirik txiklearekin,

munduaren amaiera

zure besoetako linboa bezalakoa dela.

 

Erakutsidazu ez nabilela alferrik,

isiltasuna jakinduriaren sari perfektua dela,

nire imanak direla

zure gorputzaren metalak,

bizitzaren labirintoa umeen jolasa dela,

munduaren amaiera

zure besoetako segada bezalakoa dela.