Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

GOIZ GRIS HONETAN

 

Amesgaiztoaren ondorenean altxatu

eta ohe ertzean lotu naiz izerdi batean.

Komunerako bidean

inoiz pentsatzea otuko ez zitzaidakeen huraxe

egin dut tupustean.

Zure amodiozko gutunak balkoian erre ditut

goiz gris honetan.

Errautsei begira nengoela,

haizeak jo du eta paper zati beltz erreak

zerurantz barreiatu ditu.

Hor zure maite zaitut, laztana, behar zaitut,

besarka nazazu guztiak,

zure boligrafozko musu guztiak

airean dira bat-batean,

hildakoen errautsak aireratzen diren modu berean.