Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

ERORIKO NAIZ

 

Erori naiz mezu konfliktibo batetik

eta ez dakit zer egin behar dudan orain.

Agertu naiz hutsik daramazun poltsiko horretan

eta papera birziklagarria naizelakoan zanpatu nauzu.

Labain egin dut zure kolko-infernutik behera

eta zure eskuek lurperatu naute are beherago.

 

Jausi naiz B-52 batetik bidegabekeria amaigabean

eta orain ez dakit zein den nire mundu perfektua.

Amildu naiz zure telefonoaren berbarotik

eta ezin izango dut zure erantzuna aditu.

Erori naizelako, hutsik noalako, labain egin dudalako,

jausi naizelako eta zure arantzak

nire suizidioa direlako.