Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

LEKEDA BEZALAKOA

 

Ez zegoen une klaberik,

baina atzekoz aurrera zenbiltzan

kale bete jende artean.

Zeu bakarrik,

tabernako kristal marratuaren atzetik,

distortsionaturiko kaleko argien pean.

So egin zenidanerako jaiotako ibaiak joanak ziren,

limoi aleak usteldurik zenekartzan,

ukatutako mendi guztiak lurraren pare berdinduak,

itsaso txikiak zein handiak lehorturik eta

hondoko aingura herdoildurik, agerian,

disparaturiko arrano helezinak disekaturik,

loaldi luzeko hartzak hotzak hilik.

Kafearen azken gerizpea hartu eta

kalera egin nuen nik ere.

Atarian etsipen galtzaileak ito ninduen berriz,

lekeda bezalako etsipenak,

inoiz atera behar ez nuen taberna formadun atean.