Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

NAHI ZENITUENAK

 

Nola iritsi ahal izan zinen hain koldarra izatera?

Koldarra ez da apelatiborik onena,

egokiago da hiena zorriztoa edo,

modu sinpleagoan esanda, kabroitzarra.

Nire bularretakoak altxatzen zenituen bakoitzean

maite ninduzula esaten zenidan,

likrazko nire kuleroak mihiarekin marrazten zenituenean

ipurdian gora eta behera

maite ninduzula esaten zenidan,

nire ezpainetako distira metalikoa zure zakilaren

masajea eta relaxa izateko eskatzen zenuenean

maite ninduzula esaten zenidan.

Eta hau guztia egin genuen azken aldian

nirekin asperturik, gogaiturik zaudela diostazu,

oso bide luzea egin dugula eta

beste esperientzia batzuk bizi nahi dituzula

eta abar, eta abar eta abar.

Zer orijinala zaren! Zure maite zintudan guztiek

iraungitze data zekarten ipinita aspalditik.

 

Arropa berria erosi dut,

ilea motzagoa daramat, gorriz tindatua,

depilazio dermoestetikoa ordaindu dut edertzearren,

ezpainak markatuago daramatzat,

gimnasioan nabilenetik 5 kilo kendu ditut

eta baita oroimen txar asko ere izerditan.

Etxez aldatu naiz, txakur bat erosi,

gidatzeko karneta atera,

lagunen arteko babesetik elikatu.

Egin ditut zuk nik egitea nahi zenituen gauza guztiak.

Baina begiak berdin-berdinak dira,

ez ditut koloretako lentilak jarri.

Begiratuko bazenit ohiko kolorepean ikusiko zenituzke

urteetan izan dizkizudan betiko gorroto eta nazka.