MIHIAREN AZPIKO TRIKUAK
ETA AITORPEN PROBISIONALAK

Klarionaz hitz eroak idaztea falta zaigu

baldin eta aitorpen probisionalak maite badituzu

Bular biluziak erakustea falta zaigu

mihiaren azpiko trikuak

ezin askatu ahal dituzun ukabilak

Lur hezeetako kondaira agorrak berridaztea

oroitzen gara existitzen gara

Ezin ahoska ditzakezun totelak begietan

margotzea falta zaigu

Egia zati bat falta zaigu

kontu txiki bat bide zaharrei ekiteko

totel bat aitorpen probisionalak

itsas azalera erakarriko gaituen zerbait

ubideetara berbideratuko gaituena

eta elkarren besoetara bilduko

Botila erdi beteak bagenitu mezuak bidaltzeko...

baina agian telefono kabinak ere okupatuta daude

oraindik