Iluntze urdina zatika erortzen ari den honetan

Distantziak bere gordina erakusten du

Eta ez dago zerurik

Bala batek zulatutako isiltasuna baizik

Nire oihua harrizko gauaren kontra lehertu da

Ez dakit noiz hasten den biharra

Ez dakit non amaitzen den iragana

Eta ezpainetan hutsunea marraztu da

Irri baten oroiaren lekuan

Ez zaitut kausitzen

Eta harzara begiratzen dudan bakoitzean

Behiala izan nintzena bilatzen dut

Zerbait ahantziko nuen

Eta ez dago zerurik

Beltzagoa da beti gaua