Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de StaŽl
Jose Luis Otamendi
1959, Azpeitia
 
2019, poesia
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Izotz beltza

 

Ausikika ari zaizkio hostoak zeruari

Ez naiz German Rubenach

Ez naiz Johnny Rotten

Ez naiz Monzoneko Telesforo Bizirik atera banaiz ere minaren segadetatik hilkintza handietarik

Ahazmen sakonari atzipe egiteko ginoan izan arren oraino

 

Itute bero honi eutsi diot

Soraio agertu natzaio hamaika maitasuni

Irrifar zurminduetan irauten ikasi dut

Zaharragoa naiz horizontearen ubera baino

Ez diot haizerik eman nahi inoren etsiari

 

Ezinezko leloa da maitasuna garbia zitekeelakoa

Ez dago ezer garbirik

Odola xuria da eta izotza beltza gure oinetan

Beldurra diot paduretako hondarmuinoen epaiari

 

Inorenak ez diren lurrak

Inorenak ez diren bihotzak

Inorenak ez diren orenak

Etxean sumatzen dut gauero Susana Arregi eskilarak igaiten

Eta Sid Vicious ondoren

Eta Urkiagatar Estepan ondoren

Baldintzapean maite dugu, baldintzapean bizi

Aurki loak lotuko nau lahardi itzali bat bezala

Nire pozaren alde txalo egin dezadan eskatuko didate

Neure tristuraren armadan izena emateko

Erraza da maite ez denari barkatzen

Honek behar du gure sasoia, Susana Arregi eskilarak igaiten