Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Hitzek zionat

malkoek bezala

ezpainetik ezpainera

behar luketela baina

leizetik leizera

dabiltza maizegi

badakin gereziak zuztarretik baino

ezin musuka daitezke ezjakinek

ezin sumo dizkinate desiratu sagarretan ematzen

diren heriotzaren harrak

Etorkizuna iraganerako lasterbide bilakatu

eta bazirudin inork ez duela gogoratzen

hipokresia dela ilargiko nikotina oinezkatzea

aingeru deboilatuen hegoez erdietsia badun

odol tanta bat dagoela poema bakoitzean

edo malko tanta bat berdin dun

edozelan ere tantaka baino ezin

neur ditzaket errugabeak orain nahi haunat

maitatu urruti edo aspaldi ematen din

jitoan dabilen untzia garela

giltza hautsi bat garela

nire biriketako masterian bizi ditun ganbeluak

bestorduz ispilu beltzak

lurperatu genitunan baranoetan

gaur ere kutxarik babestuenak diren

jaioberrien pentsamenduetan

galderak giltzorde alferrikakoak ditun nolanahi

ez dun loratu ezpainik

sarrailek basitutako basamortuetan