Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Erlojuz gainez

 

Zenbat erloju dauden hirian

bazter guztietan eta eskumutur guztietan

heriotza dezimalki ezarriaren eusleak

zenbat erloju dauden hirian

eta ez dira lain denak ere beren burdinsareekin

denbora guztia galbahetzeko

zenbat erloju dauden hirian

eta zenbait zepo arratoientzat

segunduen karreiua pisutsuago egunetik egunera

zenbat erloju dauden hirian

eta ez da kabitzen denbora osoa haien mateletan

Begira haraxeago armiarmak beren sareak irentsiz

begira haraxeago euriaren amenazu laineza

begira haraxeago segundu bakoitza

bakardadera suizidatzen bere bihotza

orratzen urkabe publikoan