Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Poema kronikoa II

 

Egunkaririk atera ez zen asteazken hartan

etorkizuneko egutegietan aspaldi

igandeko gehigarriak harribitxi ziren buhameentzat

asteazken hartan nehoiz baino azkenago nehoiz baino

eskale gehiago agertu ziren gorpu

new yorkeko zelai neoizkoetan asteazken hartan

mila eta seirehun kazetari gartzelaratu zituzten

gogaketaz eta gaukotasunez jokatu ei zutelako eta

luto zuriz bete ziren ausentziaren hemerotekak

Anartean dena hersten zen teilatuen baitan

albisteak hormetan lepamozturik agertu ziren

hegoei ezin eraginik kazeta irekiak

kaio lokartuak lez erortzen ziren etxeorratzetatik

airean meheagotuz ugaltzen ziren kaioak

oraindik jasotzeke anitz hilotz

Hildakoen bekain izoztuak ere abiatu ezinean kaio

disekatuak zirela esango luke edonork

eta harriturik zeuden kostaldekoak ez baitzuten

inoiz ziburu kerrinkarik gabeko kaiorik ikusi

Urrutiegi sumo zen sute hura ez zen ogi labeetakoa

okinek elurraz egin zuten orea

egunsentia gartzelatako zebra leihoetatik zelatan

eskularruak bisutsak lurperatuak

berrogeitamar maluta penike batekoak ezina da

espaloiak bereiztea botila hutsengatik baino

boxeolariak ere kronika desleituen gisan urruntzen

aizto zauriak bailiran irekiz kaleak