Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Iparrak eta orratzak

 

Norantza dugu gure etsaia

beti suntsi gaitzake mugaz haraindiko muga batean

zulo kardinalerantz doan sugea da norantza

bide eragozle nahasle uharretarainokoa

hondoratuko gara iparra bilatzean

hobe ibiltzea galdurik beti

edo gandurik

hegoak behar ditu iparrak

norantzak ez al du

bi hasperenen arteko distantzia laburrenaren antza

lanbroaren ebakietan amiltzea hobe

areto piano gozagaitzen kordazko zeldak hobe

zure azalaren kartografia ezkutatzen duen

kerosenozko kriseilua den norantza topatzea baino

Bidea aurkitzen badugu bizitza

hegaberatuko dugu

galduko ditugu elurrez gaztetutako kaleak

eta kearen gainean eraiki genituen ostatuak

ez dugu gaindituko hegorik gabe iparra

ez legenar botilarik gabe gauaren berun bolada

hegoak behar ditu iparrak

kaleen izenak ez bereiztea zer den

duela milaka urte ikasi zuten bihotzek

ziba norabidegabetuak zirela

ahaz ditzagun emakumeen gorputzak josteko orratzak

egunsentia ezagutzen duten hontzak diren zauriak

ahaztu insomnioa eta absent zer diren

hegoak behar ditu iparrak

duela milaka urte ikasi zuen

bihotz sabaietan lo ezak teilatuak zenbatuz

hutsik dauden oheak baliatzen dituztela arratoiek

biderkatzeko noraeza zabortegietan

hegoak behar ditu iparrak