Ezpainetarako bidean II

Isiltasunak puztu zituen gure ametsak

izua goialdeko apaletako liburuetan baino

agertzen ez zen asmakeria

tirada murritzeko lehen edizio apala

Ke arrastorik uzten ez zuten lokomotora haiek

neurtu zuten etsipenaren luzera

dinamorik bortitzenek hesitu argia

Garai hartan oraindik

amodio gutunak bidaltzen genizkion elkarri

ke beilak malgutzen zuen gure etsipena

baina usoek zure eta nire kaleen izenak trukatu

eta arratsa zomorroz betetzen zen bitartean

norberak idatzitakoak bueltatzen zizkigun

garai batean postari izandako bele zaharrak