Ihes egiterakoan

ez dira inoiz pausoak neurtzen

ez da jakiten nora jo

sekretoak patriketan sartu —asko ez badira—

eta norabaiteko bidean galtzen gara

aztarnarik gabe utziz

atzean geratu zaiguna

inork jarraitu ez gaitzan

—inork ez itxaroteko hurrengo geltokian—

ezer esan gabe joaten garenean

gutxienekoa da

muxu bat eguzkitan lehortzea

edo bilutsik imaginatzea kaleetan zehar

ez bait da pentsatzen

norbait minez utzi duguna

gure uhararen mugetan