Ilargirik ez kausitzea zure oinetakoetan

Sasirik ez maitatzea izaren geografian

Haizerik ez ebastea zure elastikoan

Garagarrik ez ereitea alkien bakardadean,

Lainorik ez gorrotatzea zure poltsikoetan

Belardirik ez hiltzea erlojuen pausagunean

Lanbrorik ez horzkatzea zure atorrean

Masustarik ez tirokatzea pasiloen luzeroan

Langarrik ez urkatzea zure praketan

Armiarmarik ez laztantzea eskaratzen beroan

Elurrik ez zapaltzea zure sonbreiruan

Otalorerik ez larrutzea argien belazeetan

                        Ezina da

Poema hau j.l.a.ri diot eskeintzen, berak ez dakien

                          guzi horregatik