Esan bazenit lore haiek ez zirela lehertuko bizira

gau hura maitasunaren azkena

ilunezko obusen pean hilen ginela

ez nituzke hondar aleak bilduko

ez nituzke bortxatuko malko bariko gogoak

esan bazenit haizea gure murmurioez ahitua zela

biola piano eta tronpa oro larru bizitan jarrita

ene bihotzean sortutako esperantza hari bakoitzetik urkatuko nuke

amorruz maite nituen eta