Poesia kaiera
Poesia kaiera
Raymond Carver
itzulpena: Harkaitz Cano
2020, poesia
64 orrialde
978-84-17051-56-3
Raymond Carver
1938-1988
 
 

 

Atzo

 

Hildako gizon baten artilezko

barruko arropa jantzi nuen atzo.

Gero, errepide izoztu baten

amaieraraino gidatu eta

arrantzan zebiltzan indiar batzuekin

egon nintzen tarte batez.

Uretara sartu nintzen ehizara, bota eta guzti.

Hiru ahate isats-beltz jo nituen begiz

errekastotik hegaldatzen.

Pare-parean izan arren kale egin nuen,

burua beste nonbait neukalako, baina

bost axola hori edo galtzerdiak

izoztea. Arrastoa erabat galdu

eta bazkalorduan berdin segitzen nuen.

Esango duzu ez zela nire eguna izan. Izan zen, ordea!

Eta hori frogatzeko koxkatxo hau daukat,

neskak bart egin zidana. Ezpainei bizitasuna

ematen dien zauritxoa, ahantz ez dezadan.