Poesia kaiera
Poesia kaiera
Raymond Carver
itzulpena: Harkaitz Cano
2020, poesia
64 orrialde
978-84-17051-56-3
Raymond Carver
1938-1988
 
 

 

Pipa

 

Idazten dudan hurrengo poeman

sutarako egurra pilatuko dut erdi-erdian,

hain erretxina lodiz estalitako egurra ze

lagunak eskularruak erantzi eta esango didan:

“Jantzi hauek egur horiekin habilenean”.

Hurrengo poeman gaua sartuko dut,

eta Mendebaldeko Hemisferioko izar guztiak;

eta ur multzo alimalekoa ere bai

milia luzetan ilargi betearen distira isla dezan.

Hurrengo poeman logela bat sartuko dut

eta egongela bat bere argi-zuloarekin,

sofa bat, mahaia eta aulkiak leiho ondoan,

bazkalordua baino ordubete lehenago

bildutako bioletak pitxer batean.

Su-lanpara bat piztuta, nire hurrengo poeman;

erretxinatan blaitutako izei puskak tximinian

bata bestea kiskaltzen.

Txinpartak aterako zaizkio, bai horixe!

Baina ez da zigarro bakar bat izango

nire hurrengo poeman

pipan erretzen hasiko naizelako.