Bolante parean edaten

Abuztua da eta ez dut

sei hilabetean liburu bat bera ere irakurri,

Caulaincourt delako baten Moskutik erretira

izeneko zerbait salbu.

Hala ere, zoriontsu noa

anaiarekin errepidean

Old Crow pinta bat edaten.

Ez daukagu helmuga jakinik,

gidatzea besterik ez.

Begiak itxiko banitu une batez

galdurik nengoke, baina

pozarren etzango nintzateke betirako lo

errepide ertzean.

Erne egoteko ohartarazi dit anaiak ukondoaz.

Zerbait gertatzera doa edozein unetan.