Poesia kaiera
Poesia kaiera
Yannis Ritsos
itzulpena: Joannes Jauregi
2018, poesia
64 orrialde
978-84-17051-18-1
Yannis Ritsos
1909-1990
 
 

 

Bere lanarekin bakarrik

 

Gau osoa eman du bakarrik trostan, haserre bizian, errukirik gabe joz

zaldiaren saihetsak. Zain izango zituen —esaten zen—, hutsik gabe,

handia zen beharra. Egunsentian, iritsi zenean,

ez zuen inor zain, ez zegoen inor. Bazter guztietara begiratu zuen.

Etxe hutsak, zarratuak. Lo zeuden.

Ondoan, zaldia entzun zuen, arnasestuka —

aparra zuen ahoan, zauriak saihetsean,

bizkarra ere larrutua.

Zaldia lepotik besarkatu zuen, eta negarrez hasi zen.

Zaldiaren begiak, handi, ilun, hil-minetan,

bi dorre ziren, bere-bereak, urrunak, leku euritsuren batean.