karezko euri eslaian zehar buruak

zarratatzen du gelako ilunpea —nodulu argitsua

urezko mahai gainean  —ikuskaria ezabatzen da

eta eguna dator porotsua hezea

barrendik piztutako harri txikiz betea

lo txirikordaz —karezko lanbroa ebakiz

mintzoa

isurtzen da tripodean zintzilik dauden flaskoetatik

tantaz tanta

hodi fin eta gardenetatik suzko

likidoa

eta patuak zirriborro bat dirudi

haurtzaroko amesgaizto batean egina  —hazten zara

arrasto mordoilo hartan eta

leihotik ikusten duzu zedroa sutan —gero

indarrez ixten dituzu begiak

akitua zaude  —gorrotatzen hasten zara

besteentzat urrikalgarri izatea