Poesia kaiera
Poesia kaiera
Chuya Nakahara
itzulpena: Hiromi Yoshida
2017, poesia
64 orrialde
978-84-17051-03-7
Chuya Nakahara
1907-1937
 
 

 

Sorterrira bisita

 

Lehor daude hala zutabeak nola lorategia:

eguraldi ederra dago gaur.

             Etxeko behegain azpian, amaraunak

            babesgabe dira dar-dar batean.

 

Mendian zuhaitz zimelak ere hasperenka ari:

ai, ederra dago ba!

    Bide bazterreko belarraren itzalak

    tristezia islatzen du xalo.

 

Hau da nire sorterria!

Haize fina ere badabil,

    “egizu negar, ezertaz arduratu gabe”

     diost ahopean andrazko zahar batek.

 

Ai, “zertan egon haiz orain arte?”,

galdetzen dit inguratzen nauen haizeak.