Eulia

Sahatsaren enborrean pausaturik,

euliak Crécyko batailaren zati bat

behatzen zuen,

baita orro,

arnasestu,

auhen,

aztalka eta erorikoak ere.

Vladincourt-eko

euli ar begi-arre batek

eulia estali zuen

frantses zaldieriaren

hamalaugarren erasoan.

Euliak hankatxoak astintzen zituen

tripak irekita zeuzkan zaldi baten bizkarrean,

eulien hilezkortasunaz

hausnarka.

Clairvaux-eko dukearen

mihi urdinean

pausatu zen lasaiturik.

Isiltasuna abailduta,

usteltzearen xuxurlak soilik

gorputzak inguratu

eta zenbait esku eta hanka,

dar-dar batean,

oraino ere borrokan ari zirenean pago baten azpian,

eulia arrautzak erruten hasi zen

erregeren armazain Johann Uhr-en

begi bakarrean.

Eta, halako batean, mokoka jan zuen

su hartutako Estrées-etik

ihesi zetorren sorbeltz batek.