Kezko, hitzezko xingolen harrotzea,

gorriak baino gorriagoak,

izotzaldi handiak bitartean,

izotz-tontor

irristakorretan,

kaio jendearen parean.

Hemen idazten duen

mailukadaka zeharkatzen

zaituen izpia,

gorria baino gorriagoa.

Erabili haren hitzak

zeure buru-hezurra zuritzeko, hemen,

hilobiratutako Urri horrek.

Urrea irartzeko erabiltzen zaitu, orain,

ahitzen ari delarik.

Xingolak laguntzeko erabiltzen zaitu.

Erabiltzen zaitu

kristal gogorreko panfletoa

odolezko bolardo irakurlean amarratzeko,

lurrak egotzitako eskora hori bitarte.