Aho batez hautatua

Bai, gaizki-ulertu bat izan zen.

             Oihukatu zuten: hautestontzietara!

eta hark ulertu: armak hartzera! —edo hori esan zuen gero.

Buruharrotasun handikoa izanik, asko hil zuen.

Pistolaz, erriflez, dekretuz.

Ezpata zorroraturik, esan zuen, dio:

Demokrazia ezin hobea da.

Jendeak txalo jo zuen. Isilik iraun zuten bakarrik

hildakoek, zirkinik ere egin gabe.

Bete egingo da herriaren borondatea.

Ordu honetatik aurrera —isilunea—,

Nagusia izango naiz, nahi baduzue. Konforme

ez daudenak, altxa eskua.

Hilotz gehiengo geldiak

agintea eman zion hilerri osoaren gainean.