Ahizpa arrotza

Garai pobrean jaio ginen

bata bestearen gosea

sekula ukitu gabe

gure apurrak

sekula konpartitu gabe

beldurrez

ogia etsai bilakatuko ote zitzaigun.

Orain, gure haurrak hezten ditugu

beren buruak ez ezik

elkar ere errespeta dezaten.

Orain bakardadea

sakratu eta erabilgarri zaizu

eta ez duzu gehiago behar

orain

zure argiak bizi egiten du dir-dir

baina nahi dut

jakin dezazun

zure iluntasuna ere

aberatsa dela

eta beldurraz gaindikoa.