Poesia kaiera
Poesia kaiera
Ingeborg Bachmann
itzulpena: Nagore Tolosa
2015, poesia
64 orrialde
978-84-92468-75-1
Ingeborg Bachmann
1926-1973
 
 

 

Hots-hesia

 

Soinu eztandaren alfonbra, zabala eta ozena,

atzean ireki zaizu herrestan,

zarata handiagoa egiten du, guztiak

egiten du zarata eta ozena

zarata, dar-dar egiten dute

zure etxe guztiek,

oinak zapaltzen

dizu burua,

zeure jabetza guztiek,

pentsamenduek, oroitzapenek

gainlasterraldia

inoiz zeurea izan gabeko

abiadura batean

zorakeria hau ez da,

ezer ez da, eta

ez dabil urrun,

bum izugarri baten

azpian, makurturik,

zure gainean, goian

hots-hesia zeharkatzen duzu

gorantz.

Makurturik, goi-goian zaude

eta bidaiari ekiten diozu

piltzar eta armazoi distiratsuekin,

josturak urratuta eta

zoroindar bat, zeinaren barruan sartzeko

zerua bigunegia baita

eta lurra gogorregia.