Poesia kaiera
Poesia kaiera
Emily Dickinson
itzulpena: Angel Erro
2014, poesia
64 orrialde
978-84-92468-60-7
Emily Dickinson
1830-1886
 
 

 

333 (379)

 

Belarrak du hain egiteko gutxi —

Berde hutsezko biribila —

Tximeletak hazi eta

Erleak entretenitzea ez besterik —

 

Eta Haizeek hurbiltzen dituzten

Doinu ederrekin egun osoan dantzatu —

Eta eguzkiaren izpiak altzoan eutsi

Eta guztiaren aurrean makurtu —

 

Eta gauak Ihintz Perlak josiz eman —

Eta Dukesa bat arruntegi

Uzteko moduan apaindu

Elkarren ondoan suertatuz gero —

 

Eta are hiltzen denean ere — Usain

Hain zerukoetan Mundua utzi —

Lurrean zabaldu espezia apal edo

Nardo zimeltzen hasitakoen eran —

 

Eta gero Berebiziko Mandioetan bizi —

Eta Egun joanekin amets egin.

Belarrak du hain egiteko gutxi,

Belar izpi bat izan nahi nuke —