Poesia kaiera
Poesia kaiera
2002, poesia
64 orrialde
84-95511-38-X
Karlos Linazasoro
1962, Tolosa
 
Poesia kaiera
2002, poesia
64 orrialde
84-95511-38-X
aurkibidea
 

Azaro

 

Azaroa da honezkero zure zainetan;

euria ari duelako, hotza delako zure

irribarrea. Ez dagoelako lorerik lorategian,

niri besarkatzen zatzaizkidalako

ero moduan. Atzo, gaueko pelikula

ikusten ari ginela, esan zenidalako

gure maitasuna maitasun ezinezkoa zela,

erabakiren bat hartu beharko genuela laster.

Nik, orduan, begietara begiratu nizun.

Ez zegoen dudarik, ez zinen txantxetan ari.

Musu bat, eta argi guztiak itzali genituen.

Zenbat eta lehenago amaitu, hobe.

Segundu batzuk nahikoak izango ziren.

Gero, azken musu ikaratu bat. Aurki

iritsiko zen zure senarra.

 

w1990