Berriro haragiz jantzi

                        Iñaki Pérez Beotegi-ri

Bazkaloste aspergarrian

eskua luzatu dinat

txalupa nagi bat, aterpe eske, bezala;

hik, aldiz, hondartza abegikorren partez,

itsasertzik malkartsuenak

eskaini dizkidan

behin eta berriz...

Hil ondoan, arimak, zenbaitek diotenez,

haragiz jantziko balira ostera ere

eta jainkoek gu biok nahi bagintuzte

bortizki gaztigatu,

ni umezain egingo nindiketen

edo etxeko andre, agian,

baina hi, dudarik gabe,

Bangkok-eko puta.

w2000