Sehaska kanta (1)

                        Amaiari

Egizu lo, laztana,

egizu lo lasai;

horretarako nauzu

zure ondoan ernai.

Ene begi zabalak

arranoak dira;

zure sehaska, berriz,

beraien habia.

Inguruan zelatan

dituzu ameskaitzak:

bele beltzak, kukuak

eta zapelatzak.

Baina arranoa erne

dagoen artean

ez dirade ausartuko

etortzen beleak,

ez zapelatz zakarrak,

ez kuku lapurrak.

Lasai zaitez, laztana,

ez egon beldurrak.