Poesia kaiera
Poesia kaiera
2002, poesia
64 orrialde
84-95511-36-3
Juan Kruz Igerabide
1956, Aduna
 
 

Heze jaio haiz eta

 

Heze jaio haiz eta

Sanjoselorea agertu dun lotsati

Baratze bazterrean.

Haize izan haiz eta

Erleek usaindu haute

Arbilore etzanetan.

 

Galdegion lanbro emeari

Galde teilatu ertzetan

Nola igarotzen dituen garizumak

Hire adatsaren gaubeilan.

 

Hitzez jaio haiz eta lanbro

Mehearen kristalezko plaxtadan

Haize leunak elurra jorratu din

Maiatzaren negu urratuan.

 

Gose izan haiz eta baratzeko

Lore birjinen artean musu

Okerrak dastatu ditun

Egunsentiaren erditze lauan.

 

Galdegion lanbro amari galde

Sehaskako oihalari nola

Maitatzen duten hire bularrek

Lanbroaren xurgatze kixkurra.

 

w1989