Poesia kaiera
Poesia kaiera
2001, poesia
64 orrialde
84-95511-29-0
Jon Mirande
1925, Paris
1972, Paris
 
 

Pigalle

 

Raymonderi

 

Zohardi zan,

Pigalle-zeruan izarrak

piztu ziran

—puten sabelean arno beltza botz-kantuz.

 

Nihaur kaleetan

aitzina, horditu ezina

puten arno kantariaz...

 

...egarri

zure bila, Raymonde,

gabats ederra barez bar.

Raymonde, soin umoa, mahats umel!

Pigalle-ko mahastietan,

arno indazu nire ahorako

zazpigarren goian izarrak

dakuszkidan!

 

w1951